Event List

  • 27 Sep 2019

    በኩዌት የኢትዮጵያ ኮሚኒቲ ማህበር አባላት ለዜጎች እና ለአገራቸው ልማት የሚያደርጉትን ድጋፍ አጠናክረው እንደሚቀጥሉ ገለጹ

    በኩዌት የኢትዮጵያ ኮሚኒቲ በኩዌት አገር የሚኖሩ ዜጎችን መብትና ደኀንነት ለማስጠበቅ ኤምባሲው በሚያደርገው ጥረት ንቁ ተሳታፊ በመሆን በዘርፉ የሚገጥሙ ችግሮችን ለማቃለልና ለሀገራቸው ልማት የሚያደርጉትን ድጋፍ አጠናክረው እንደሚቀጥሉ ገልጸዋል።

    በኩዌት የኢ.ፌ.ዲ.ሪ. ኤምባሲ የዳያስፖራ ክፍል ኃላፊ ሐጂ ሙሐመድአሚን ጀማል በኩዌት የኢትዮጵያ ኮሚኒቲ ባዘጋጀው 1ኛ ዓመት የምሥረታ በዓል ላይ ተገኝተው ባደረጉት ንግግር፥ ኮሚኒቲው ከተቋቋመ አጭር ጊዜ ቢሆንም በዚህ አጭር ጊዜ ውስጥ በርካታ ጠቃሚና ስኬታማ ተግባራትን ማከናወኑን ጠቁመው፤ ለዚህ ስኬት መሰረቱ የኮሚኒቲው አመራር ቁርጠኝነትና የዜጎች ተቆርቋሪነት ስሜት መኖሩ ነው ብለዋል። ኃላፊው የታላቁ ህዳሴን ግድብ ቦንድ በመግዛት የኩዌት ነዋሪ ኢትዮጵያውን አስተዋጽኦ የጎላ እንደነበር ጠቁመው፤ በቀጣይም ግድቡን ጨምሮ ለሌሎችም አገራዊ ልማት ዕቅዶች ይኸንኑ ድጋፋቸውን አጠናክረው እንዲቀጥሉ ጥሪ አቅርበዋል።

    በዚሁ ወቅት የኮሚኒቲ ማህበሩን የ1ዓመት ጉዞ አስመልክቶ በማህበሩ ሊቀመንበር አቶ ሲሳይ ተሾመ አጭር ሪፖርት ቀርቧል። ሊቀመንበሩ ዓላማውን እንደሌሎች አገራት የኮሚኒቲ ማህበራት ለዜጎች ችግሮች ፈጥኖ ደራሽና ለአገራዊ የልማት አጀንዳዎች የተቻለውን ድጋፍ የሚያደርግ ጠንካራ ስብስብ መፍጠር አድርጎ በአዲስ መልክ ከዓመት በፊት የተመሰረተው ኮሚኒቲ ማህበሩ፥ ዜጎች የሚደርስባቸውን ችግር በማቃለል፣ በሆስፒታሎችና በእስር ቤቶች ጉብኝቶችን በማድረግ፣ ድጋፍ ለሚያስፈልጋቸው ዜጎች ሃብት በማሰባሰብ እንዲሁም በባህል ማስተዋወቂያ መድረኮች ላይ በመሳተፍ ከኤምባሲው ጋር በቅርበት መሰራቱን በሪፖርታቸው ገልጸዋል።

    የኮሚኒቲ ማህበሩ አመራርና አባላት ከኤምባሲው ጋር በመሆን በዜጎች ላይ የሚደርሱ ችግሮችን በመከላከልና ድጋፍ ለሚያስፈልጋቸው አስፈላጊውን ድጋፍ ለማድረግ እንዲሁም ለአገራዊ የልማት ዕቅዶች የሚያደርጉትን ድጋፍ አጠናክሮ ለመቀጠል ቃል የገቡ ሲሆን፤ በዜጎች ድጋፍ ላይ የጎላ አስተዋጽኦ ላደረጉ አባላት የምስጋና የምስክር ወረቀት ተበርክቶላቸዋል።

     

    Read More
  • 05 May 2019

    የኢትዬጵያ ኮሚዩኒቲ የኢፍጣር የእራት ግብዥ አደረገ ።

     

    በኩዌት የኢትዬጵያ ኮሚዩኒቲ ( ማህበረስብ ) ማህበር በኩዌት ለሚገኙ ኢትዬጵያውያኖች በ29/05/2019 በኢትዬጵያ ኤምባሲ የመስብስቢያ አዳራሽ የኢፍጣር ፕሮግራም አካሂዷል ።
    ክቡር አምባሳደር አብዱልፈታህ አብዱላሂ እና የኤምባሲው ዲፕሎማቶች ፣ የቀድሞ ኮሚዩኒቲ አመራሮችና በኩዌት የሚኖሩ ኢትዮጵያውያንና ትውልደ ኢትዮጵያውያን በተጋበዙበት ክፍት ፕሮግራም ላይ በዝግጅቱ ከታደሙ እንግዶች ጋር ባማረ መልኩ የእራት ፕሮግራሙ ተከውኗል ።
    ለመጀመሪያ ጊዜ በኮሚዩኒቲ በተዘጋጀው የኢፍጣር ፕሮግራም ላይ ሁሉም አንድ ላይ በመቆምና ፕሮግራሙን በመታደም የኢትዬጵያዊነት መገለጫችን የሆነውን አንድነት የታየበት ዝግጅት አስተናግዷል። ወደፊትም ኮሚዩኒቲው ለሁሉም ተደራሽ በሚሆንበት ስራዎችን እየስራ እንደሚቀጥልም ከአመራሮቸ ተገልጿል ።
    በችግር ውስጥ ለሚገኙና ድጋፍ ለሚሹ ዜጎቻችን ፣ ከዚህ በፊት በኩዌት የነበረንን መጥፎ ገጽታ ለመቀየር ፣ እርበእርሳችን ለመረዳዳት ፣ ስለሀገራችን በጎ ገጽታ ለማስተዋወቅ የግድ በኩዌት የምንኖር ኢትዬጵያኖች በአንድነትና በህብረት መስራትና አንድ መሆን ጊዜ ማይስጠው በመሆኑ የእርስ በእርስ ግንኙነቶችን ለማጠናከርም ኮሚዩኒቲው ከያዛቸው ዕቅዶች ውስጥ የመቀራረብና አንድ የመሆን ስራ ዋናው ነው። የቀድሞ የኮሚኒቲው አመራር ከሆኑት መካከል አቶ ተሰማ እንደገለፁት በቀጣይ ከኮሚኒቲው ጋር በመሆን የተቻለንን ሁሉ እንደምናግዝ ብሎም አሁን የተመሰረተው ኮሚኒቲ እየሰራ ያለው ስራ ሊበረታታ እንደሚገባ ገልፀዋል ።
    ያለንን አንድነት ለማጠናከር ፣ ወደፉትም ተመሳሳይ መቀራረቦችን ለማጎልበት ታስቦ በተዘጋጀው ፕሮግራም ላይም ከአመታት በፊት የኢትዬጵያ ኮሚዩኒቲን ይመሩ ለነበሩ ስዎች በክብር አምባሳደር አማካኝነት ዕውቅናና ምስጋና ሰርተፍኬት ተስጥቷቸዋል ።
    ከእውቅና አስጣጡ ጎን ለጎንም ክብር አምባሳደሩ ባስተላለፊት መልዕክት ሁላችንም ከኮሚዩኒቲው ጎን በመቆም ወደፊት የተሳካና ውጤታማ ስራ እንድንስራ በመረባረብ አብረን መስራት እንዳለብንና በኩዌት ለሚገኙ ዜጎችም ተደራሽ እንድንሆን በኮሚዩኒቲው እንድንዳራጅ ጥሪ አቅርበዋል ።
    በእለቱ ለነበረው ድምቀት የግላቸውን ትብብር ላደረጉት የአል ሀበሻ ሬስቶራንት ባለቤት ኮሚኒቲው በዚ አጋጣሚ ላቅ ያለ ምስጋናውን ያቀርባል።
    በዝግጅቱ ላይ ጥሪያችንን አክብራችው ለመጣችው በኩዌት ለምትኖሩ ኢትዬጵያኖች በማህበራችን ስም ልባዊ ምስጋናችንን እናቀርባለን ።

    Read More