Event Details

በባህል ማስተዋወቂያ ሁነት ላይ በመሳተፍ የኢትዮጵያ ባህሎች፣ የቱሪዝም መስህቦች እንዲተዋወቁ ተደረገ

27 Apr 2019

እ.ኤ.አ ኤፕሪል 27 ቀን 2019 በኩዌት Yarmouk Cultural Center በተካሄደው የባህል ማስተዋወቂያ ሁነት (Cultural Promotion Event) ላይ ኤምባሲው በኩዌት የኢትዮጵያዊያን ኮሚዩኒቲ ጋር በመተባበር ባደረገው ተሳትፎ የአገራችንን የተለያዩ ባህሎች፣ ታሪካዊ ቅርሶች፣ ባህላዊ አልባሳት፣ የቡና አፈላል ሥነ-ሥርዓትና የቱሪስት ሃብቶች በማስተዋወቅ የገጽታ ግንባታና የፕሮሞሽን ስራ ተከናውኗል። የአገራችን ጥንታዊ የስልጣኔ መገለጫዎች፣ ታሪካዊ ቅርሶች፣ የመቻቻልና አብሮ የመኖር ዕሴቶች፣ ሀገራችን የመጀመሪያውን ሂጅራ ያስተናገደች ሀገር ስለመሆኗ በሁነቱ ለተገኙ ከ100 በላይ ተሳታፊዎች አጭር ገለጻ የተደረገ ሲሆን፤ በወቅቱ የቀረበው የኢትዮጵያ ባህላዊ የቡና አፈላል ሥነ-ሥርዓት የአብዛኛውን ታዳሚ ትኩረት የሳበ ነበር።
የዘንድሮውን ዓለም አቀፍ የሙዚዬም ቀን ምክንያት በማድረግ አንድ ጣሪያ (One Roof) በሚል መሪ ቃል ሁነቱን በጋራ ያዘጋጁት Human Line Organization እና Social Work Society የተባሉ ድርጅቶች ሲሆኑ፤ በዚሁ ወቅት ኩዌት የሚገኘው ሐበሻ ባንድ የአገራችንን የተለያዩ የብሔር ብሔረሰቦች ባህላዊ ጭፈራዎች በማቅረብ ሰፊ አገርን የማስተዋወቅ ሥራ ተከናውኗል።